गण्डकीको मुख्यमन्त्रीमा पाण्डे नै दोहोरिने सम्भावना

पोखरा । गण्डकी प्रदेशका मुख्यमन्त्री सुरेन्द्रराज पाण्डेले बुधबार राजीनामा दिएका छन् । उनको राजीनामासँगै नयाँ सरकार गठनका लागि आह्वान भएको छ ।

प्रदेश प्रमुख डिल्लीराज भट्टले सरकार गठनका लागि नेपालको संविधानको धारा १६८ (२) अनुसार दुई वा दुईभन्दा बढी दल मिलेर सरकार बनाउन बुधबार आह्वान गरेका हुन् । उनले सरकार गठनका लागि २७ चैत दिउँसो ३ बजेसम्मको समयसीमा दिएका छन् ।