विष्णु पौडेल जोडिएको सम्पत्ति शुद्धीकरण मुद्दामा भट्टलाई निःशर्त रिहा गर्ने आदेश

नेकपा (एमाले) का उपाध्यक्ष विष्णु पौडेल जोडिएको पूरक सम्पत्ति शुद्धीकरण मुद्दामा विशेष अदालतले व्यवसायी दीपक भट्टलाई निःशर्त रिहा गर्ने आदेश दिएको छ। तर मूल मुद्दामा यसअघि नै थुनामा राख्ने आदेश भएकाले पूरक मुद्दामा रिहाइ पाए पनि भट्ट तत्काल जेलमुक्त हुने अवस्था छैन।

सम्पत्ति शुद्धीकरण अनुसन्धान विभागले भट्टविरुद्ध यसअघि दायर भएको मुद्दामा थप अनुसन्धान गरी पूरक अभियोगपत्र दायर गरेको थियो। उक्त पूरक मुद्दामा पूर्वअर्थमन्त्री तथा नेकपा एमालेका उपाध्यक्ष विष्णुप्रसाद पौडेललाई समेत प्रतिवादी बनाइएको छ।