निर्वाचन प्रहरीको पोशाक सम्झौतासम्बन्धी कागजात पेस गर्न सरकारलाई निर्देशन

काठमाडौँ- संसदीय समितिले निर्वाचन प्रहरीको पोशाक एवं अन्य सामग्री खरिद र सम्झौतासम्बन्धी कागजात पेस गर्न सरकारलाई निर्देशन दिएको छ।

सिंहदरबारमा बुधबार बसेको प्रतिनिधिसभा अन्तर्गतको सार्वजनिक लेखा समितिले हालैसम्पन्न निर्वाचनमा भर्ना गरिएका निर्वाचन प्रहरीको पोशाक एवं अन्य सामग्री खरिद र सम्झौता सम्बन्धी कागजातहरू १५ दिनभित्र समितिमा पेस गर्न सरकारलाई निर्देशन दिएको हो।