सुस्त आर्थिक वृद्धि र बढ्दो महँगीको चुनौती

अन्तर्राष्ट्रिय मुद्रा कोष (आईएमएफ) ले नेपालको आर्थिक वृद्धिदर सन् २०२६ मा ३ दशमलव ६ प्रतिशतमा सीमित रहने प्रक्षेपण गर्नु मुलुकको अर्थतन्त्रका लागि गम्भीर चिन्ताको विषय हो । आईएमएफले सार्वजनिक गरेको विश्व आर्थिक परिदृश्य प्रतिवेदनले नेपालको अर्थतन्त्रमा अपेक्षित गति आउन नसकेको संकेत गरेको छ ।

अझ चिन्ताजनक पक्ष त के छ भने, आगामी दुई वर्षसम्म नेपालको आर्थिक वृद्धिदर चार प्रतिशतभन्दा तल रहने अनुमान गरिएको छ । सन् २०२७ मा वृद्धिदर सामान्य सुधार भई ३.७ प्रतिशत पुग्ने प्रक्षेपण गरिए पनि यसलाई उत्साहजनक उपलब्धि मान्न सकिँदैन । उत्पादन, रोजगारी, लगानी र जनताको जीवनस्तरमा सुधार ल्याउनुपर्ने अवस्थामा अर्थतन्त्रको विस्तार सुस्त रहनु सरकारका लागि गम्भीर चुनौती हो ।