एनएमएका २ पूर्वअध्यक्ष सहित ३ जना डाक्टर कांग्रेस केन्द्रीय सदस्य बन्ने सम्भावना बलियो, एकको गणना बाँकी

काठमाडौं — नेपाली कांग्रेसको १५औँ महाधिवेशनमा नेपाल चिकित्सक संघ (एनएमए) का तीन पूर्वअध्यक्ष र नवजात शिशु तथा बालरोग विशेषज्ञ डा. प्रदीप मिश्र केन्द्रीय सदस्यका लागि प्रतिस्पर्धामा छन्। प्रारम्भिक मतगणनामा डा. केदारनरसिंह केसी र डा. मुक्तिराम श्रेष्ठको अवस्था बलियो देखिएको छ भने पेसागत विषय विज्ञ समूहबाट उम्मेदवारी दिएका डा. मिश्र पनि पाँच पदमा तेस्रो स्थानमा छन्। अर्का पूर्वअध्यक्ष डा. अञ्जनी कुमार झाको भने मधेश भूगोलअन्तर्गत मतगणना सुरु हुन बाँकी छ।

खुलातर्फका ४५ केन्द्रीय सदस्य पदमा प्रतिस्पर्धा गरिरहेका डा. केदारनरसिंह केसीले ३ हजार मत गणना हुँदा १ हजार ३ सय ६३ मत प्राप्त गरेका छन्। उनी पहिलो स्थानमा छन्। यस मतपरिणामले उनको केन्द्रीय सदस्य बन्ने सम्भावना बलियो देखाएको छ।