बाढीबाट बस्ती जोगाउन ‘नदी चिर्दै’ मौलापुर

लालबकैया नदीमा आएको बाढीका कारण मौलापुर नगरपालिका-१ मर्यादपुरस्थित पश्चिमी तटबन्ध कटानको उच्च जोखिममा परेपछि नदीको बहाव अस्थायी रूपमा फर्काउन मौलापुर नगरपालिकाले पुनः च्यानलाइजिङ (नदी चिर्ने) को काम सुरु गरेको छ।

बाढीको बहाव तीव्र बन्दै गएपछि पश्चिमतर्फको तटबन्ध कटान भई बस्तीमा बाढी पस्ने तथा ठूलो क्षेत्रफलको खेतीयोग्य जमिन डुबानमा पर्ने जोखिम बढेकाले सो कदम चालिएको हो।