एमालेकै प्रतिवेदन भन्छ- ओलीलाई नेतृत्वबाट बिदा गरौँ, उमेर हद र दुई कार्यकालको सीमा ब्युत्याऊँ

काठमाडौं – नेकपा एमालेको निर्वाचन समीक्षा तथा पार्टी पुनर्गठन कार्यदलले पार्टीलाई अहिलेको नेतृत्व शैलीबाट अघि बढाउन नसकिने संकेत गर्दै नेतृत्व रूपान्तरणको प्रस्ताव गरेको छ।

उपाध्यक्ष रामबहादुर थापा बादल र महासचिव शंकर पोखरेल सम्मिलित कार्यदलले पार्टीभित्र सामूहिक नेतृत्व प्रणाली कमजोर हुँदै मुख्य नेतृत्वमा अधिकारको केन्द्रीकरण बढेको निष्कर्ष निकालेको छ। यस्तो अवस्थाले नेतृत्वमा स्वेच्छाचारिताको प्रवृत्ति बढाएको प्रतिवेदनमा उल्लेख छ।