कागजी प्रक्रियाबाट सार्वजनिक खरिद गर्दा राज्यलाई अर्बौंको घाटा हुन्छ : प्रभु साह

काठमाडौँ । आम जनता पार्टीका अध्यक्ष तथा पूर्वमन्त्री प्रभु साहले सरकारले विद्युतीय खरिद प्रणाली (ई–जीपी) बन्द गरेर कागजी माध्यमबाट ठेकेदार छनोट गर्न थालेको भन्दै प्रश्न उठाएका छन् ।

पूर्वसहरी विकासमन्त्रीसमेत रहेका साहले जुनसुकै बहानामा गरिएको भए पनि अनलाइन प्रणाली रोकेर पुरानै कागजी प्रक्रियामा फर्किने सरकारको निर्णयलाई सही मान्न नसकिने बताएका छन् । उनले बुधबार बिहान सामाजिक सञ्जाल फेसबुकमार्फत सरकारको उक्त कदमबारे प्रश्न उठाएका हुन् ।