स्मार्ट टेलिकम लिलामी प्रकरण : एनसेल अध्यक्ष आचार्यसहित २२ जनाविरुद्ध मुद्दा दर्ता, ९६ अर्ब बिगो दाबी

काठमाडौं । जिल्ला सरकारी वकिल कार्यालय काठमाडौंले स्मार्ट टेलिकमको सम्पत्ति लिलामी तथा त्यससँग जोडिएका कारोबारमा अनियमितता भएको आरोपमा ९६ अर्ब १२ करोड १७ लाख रुपैयाँ बिगो दाबी गर्दै जिल्ला अदालत काठमाडौंमा मुद्दा दायर गरेको छ ।

नेपाल प्रहरीको केन्द्रीय अनुसन्धान ब्युरो (सीआईबी) ले करिब तीन महिना गरेको अनुसन्धानका आधारमा जिल्ला सरकारी वकिल कार्यालय काठमाडौंले २२ जनामाथि मुद्दा दायर गरेको हो । सीआईबीले गत शुक्रबार जिल्ला सरकारी वकिल कार्यालयमा अनुसन्धान प्रतिवेदन बुझाएको थियो ।