११ महिनादेखि तलब नपाएको भन्दै कालिकोटको रास्कोटका स्वास्थ्यकर्मी धर्नामा

कालिकोट। कालिकोटको रास्कोट नगरपालिकाका स्वास्थ्यकर्मीहरु तलब नपाएको भन्दै आन्दोलनमा उत्रिएका छन् । विगत ११ महिनादेखि तलब भत्ता केही पनि नपाएको उनीहरुको गुनासो छ । पालिकाका विभिन्न स्वास्थ्य संस्थामा कार्यरत १५ जना स्वास्थ्यकर्मीहरुले बिहीबारदेखि पालिकाको प्राङ्गणमा धर्ना सुरु गरेका छन् ।

स्वास्थ्य मन्त्रालय र नगरपालिकाको गैर–जिम्मेवारीपनका कारण आफूहरुले तलब पाउन नसकेको उनीहरुको भनाई छ । तलब नपाउनेमा अधिकांश कर्मचारी समायोजन ऐन ०७५ तथा कर्मचारी मिलानसम्बन्धी व्यवस्था ०७७ बमोजिम रास्कोट नगरपालिकामा समायोजन संशोधन र मिलान भई आएका स्वास्थ्यकर्मीहरु रहेका छन् ।