माटोले पुरिएर एक जनाको मृत्यु, एक जना घाइते

मकवानपुरको हेटौँडा उपमहानगरपालिका–१०, मेनरोडमा घरको जगबाट इँटा झिक्ने क्रममा माथिबाट माटो खस्दा पुरिएर एक जनाको मृत्यु भएको छ भने अर्का एक जना घाइते भएका छन् । मृत्यु हुनेमा हेटौँडा उपमहानगरपालिका–१०, पूर्वेलीटोलका ४५ वर्षीय किरण रानामगर रहेका छन् ।

मङ्गलबार साँझ सडकछेउमा रहेको घरको जगबाट निर्माण प्रयोजनका लागि इँटा झिक्ने क्रममा माथिबाट माटो खसेर उनीहरू पुरिएका थिए । घटनामा घाइते भएका मनहरी गाउँपालिका–६ का २७ वर्षीय रोशन श्रेष्ठको कम्मरमा चोट लागेको र उहाँको अवस्था सामान्य रहेको जिल्ला प्रहरी कार्यालय मकवानपुरले जनाएको छ ।