बुझिन मैले भन्दै केकी अधिकारी

काठमाडौं । नायिकासँगै निर्माता बनेकी अभिनेत्री केकी अधिकारीले आफ्नो नयाँ चलचित्र ‘बोक्सीको घर’लाई आगामी १४ बैशाखमा रिलिज गर्दैछिन् । उनले यो चलचित्रको अर्को गीतको भिडियो यतिबेला सार्वजनिक गरेकी छिन् । बोक्सीको घरको कथासार बुझाउने गीत बुझिन मैले…को भिडियो सार्वजनिक गरेकी हुन् । उनले यो गीत गायक प्रकाश सपुतसँग मिलेर तयार गरेकी हुन् ।

गीतमा गायक सपुतकै शब्द रचना तथा संगीत रहेको छ । यो गीतलाई समीक्षा अधिकारीले गाएकी छिन् । चलचित्रको कथा अनुसार यो गीत र भिडियो तयार पारिएको अभिनेत्री केकीले बताएकी छिन् । गीतको भिडियोमा सुनिल क्षेत्रीले कोरियोग्राफी गरेका छन् । गीतमा केकीसँगै यो चलचित्रका अभिनेता एवम् निर्देशक सुलक्षण भारती र रमा थपलियाले अभिनय गरेका छन् ।