ऐतिहासिक दुगुनागढीमा लोभिए पर्यटक

सिन्धुपाल्चोक — वरिपरि हिमशृंखला, लेकाली डाँडाबीच घेरिएको चिटिक्कको गढ पर्खाल, पुरानै शैलीका भवन र गोदामस्थल । तोपले क्षतविक्षत बनेका वरिपरिका चट्टानबाट तिब्बती गाउँ छर्लङ्गै देखिन्छ । भोटेकोसी गाउँपालिका–३ स्थित ऐतिहासिक दुगुनागढीस्थल पुग्नेले १ सय ६० वर्षपछाडि फर्किएको अनुभव गर्छन् । भोटेकोसी–३ का वडाध्यक्ष निमासोना शेर्पाका अनुसार दुगुनागढीलाई पुरानो स्वरूपमा ठड्याइएपछि आकर्षणको केन्द्र बन्न पुगेको छ ।

‘गढीमा तोप ढुंगा (तोप प्रहार गर्ने स्थल जहाँ पाइलाको चिह्न देखिन्छ), घोडा टाप छापदेखि गोलघर वा गोदामस्थललाई पहिलेकै प्राचीन अवस्थामा ल्याइएको छ,’ उनले भने ।