दुर्गा भवानीको आराधनादेखि विजयको उत्सवसम्म, दशैंको धार्मिक र सांस्कृतिक महिमा

काठमाडौं ।

हिन्दू धर्मावलम्बीको महान् पर्व बडादशैंले नेपाली समाजमा धार्मिक आस्था, पारिवारिक एकता र सांस्कृतिक सद्भावको सन्देश प्रवाह गरिरहेको छ । आश्विन शुक्ल प्रतिपदादेखि सुरू हुने शारदीय नवरात्रि तथा दशैंको उत्सव कोजाग्रत पूर्णिमासम्म मनाइन्छ । दुर्गा भवानीको उपासना, शक्ति आराधना, मान्यजनबाट टीका–जमरा ग्रहण र परिवारका सदस्यबीचको आत्मीय भेटघाट यस पर्वका प्रमुख विशेषता हुन् ।