भारतीय एजेन्टले दुई पाकिस्तानी नागिरकको हत्या गरेको दाबी

इस्लामाबाद । पाकिस्तानले भारतले पाकिस्तानी भूमिमा दुई पाकिस्तानी नागरिकको हत्या गरेको आरोप लगाएको छ। पाकिस्तानी विदेश सचिव मोहम्मद साइरस सज्जाद काजीले सियालकोट र रावलकोटमा दुई पाकिस्तानी नागरिकको हत्यामा भारतीय एजेन्टहरूको संलग्नताको 'बलियो प्रमाण' रहेको दाबी गरेका हुन्।

पाकिस्तानका विदेश सचिव काजीले आरोप लगाए, ‘११ अक्टोबर २०२३ मा सियालकोटको मस्जिद बाहिर शाहिद लतिफ नामका व्यक्तिको हत्या गरियो। योगेश कुमार नामका भारतीय एजेन्टले तेस्रो देशमा बसेर यो हत्याको षड्यन्त्र रचे। उनले मोहम्मद उमेर नामका व्यक्तिलाई काममा लिएका थिए ।’