स्टिनक्याम्पको शतकमा नामिबियाले अमेरिकालाई हरायो

लरेन स्टिनक्याम्पको शतक र कप्तान गेर्हार्ड इरास्मसको उत्कृष्ट ब्याटिङमा नामिबियाले आईसीसी पुरुष क्रिकेट विश्वकप लिग-२ अन्तर्गत अमेरिकालाई ६ विकेटले पराजित गरेको छ।

डलासमा मंगलबार भएको खेलमा अमेरिकाले दिएको २७८ रनको लक्ष्य नामिबियाले ४८.३ ओभरमा ४ विकेट गुमाएर पूरा गर्‍यो। नामिबियाले ९ बल बाँकी छँदै लक्ष्य भेट्टाएको हो।