महाकालीमा बेपत्ता सशस्त्र प्रहरीका असई थारूको शव पाँच दिनपछि फेला

काठमाडौँ। महाकाली नदीमा बोट अनियन्त्रित भई बेपत्ता भएका सशस्त्र प्रहरीका प्रहरी सहायक निरीक्षक (असई) सागरराज थारूको शव पाँच दिनपछि फेला परेको छ।

गत शनिबार दोधारा–चाँदनी झोलुङ्गे पुलसँगै चुँडिएको नेपाल टेलिकमको इन्टरनेटको तार तान्ने क्रममा महाकाली नदीमा बोट दुर्घटना हुँदा थारू बेपत्ता भएका थिए। घटनालगत्तै परिचालन गरिएको सशस्त्र प्रहरीको गोताखोर टोलीको निरन्तर खोजतलासपछि आज बेपत्ता भएकै स्थानबाट करिब १०–१५ मिटर दक्षिणतर्फ अड्किएको अवस्थामा शव भेटिएको जिल्ला प्रहरी कार्यालय कञ्चनपुरका प्रहरी नायब उपरीक्षक टेकबहादुर रावतले जानकारी दिए।