बार्सिलोनालाई हराउँदै जिरोना शीर्ष स्थानमा

क्याम्प नाउ । बार्सिलोनालाई उसैको घरेलु मैदानमा हारको स्वाद चखाउँदै जिरोना स्पेनिस ला लिगाको शीर्ष स्थानमा उक्लिएको छ । आइतबार राति भएको खेलमा जिरोना ४–२ गोलले विजयी बनेको हो ।

खेलको १२ औँ मिनेटमा आर्टेम डोबिकले जिरोनालाई अग्रता दिलाएका थिए । तर, १९ औँ मिनेटमा रोबर्ट लेवान्डोस्कीले खेल बराबरी गरे । पहिलो हाफको अन्त्यतिर मिगेल गुटिएरेजले जिरोनालाई पुनः अग्रता दिलाए ।