‘पर्यटन बोर्ड र नेवानि संरचना नसुधारेसम्म नयाँ नेतृत्वको अर्थ छैन’

२८ असोज, काठमाडौं । टुर अपरेटरहरूको छाता संगठन नेपाल एसोसिएसन अफ टुर अपरेटर्स (नाटो) का अध्यक्ष विश्वेस श्रेष्ठले नेपाल पर्यटन बोर्ड र नेपाल वायुसेवा निगमको वर्तमान संरचना नै राखेर नयाँ नेतृत्व बनाउनुको अर्थ नरहने बताएका छन् ।

नाटोको २४औं वार्षिक साधारणसभामा अध्यक्ष श्रेष्ठले पर्यटन बोर्ड र नेवानि सुधार गर्न नयाँ नेतृत्व राख्ने तयारी भइरहेको सन्दर्भ उल्लेख गर्दै ती संस्थाको वर्तमान संरचना कायम रहेसम्म जतिसुकै नयाँ नेतृत्व ल्याए पनि तात्विक फरक नपर्ने बताएका हुन् ।