इतिहास, संस्कृति र प्रकृतिले सजिएको बारपाक (तस्बिरहरू)

गोरखा– गोरखा जिल्लाको उत्तरी भेगमा अवस्थित बारपाक गाउँ प्राकृतिक सौन्दर्य, सांस्कृतिक विविधता र ऐतिहासिक महत्वले भरिपूर्ण ठाउँ हो । समुद्री सतहबाट करिब १ हजार ९ सय मिटर उचाइमा रहेको यो गाउँ विशेषतः घले र गुरुङ समुदायको मौलिक संस्कृति, अतिथिसत्कार र हिमाली दृश्यावलोकनका कारण परिचित छ। पछिल्लो समय आन्तरिक तथा बाह्य पर्यटकका लागि बारपाक आकर्षक गन्तव्यका रूपमा विकास हुँदै गएको छ ।