परराष्ट्रमन्त्री शिशिर खनालसँग दक्षिण कोरियाका राजदूत पार्कको शिष्टाचार भेट

काठमाडौं । नेपालका लागि गणतन्त्र कोरियाका नवनियुक्त राजदूत पार्क जेख्यङले परराष्ट्रमन्त्री शिशिर खनालसँग शिष्टाचार भेट गरेका छन् ।

परराष्ट्रमन्त्री खनालले राजदूत पार्कलाई नेपालका लागि गणतन्त्र कोरियाको राजदूत नियुक्त भएकोमा बधाई दिए । मन्त्री खनालले दुवै देश र जनताको पारस्परिक हितका लागि सहकार्य गर्न नेपाल सरकार इच्छुक रहेको उल्लेख गरे । राजदूतका रूपमा आफ्नो जिम्मेवारी निर्वाह गर्न मन्त्रालयको तर्फबाट पूर्ण सहयोग रहने उनको भनाइ छ ।