बंगलादेशको जहाँगिरनगर विश्वविद्यालयमा फोटो पत्रकारितासम्बन्धी अन्तरक्रिया

बंगलादेश : नेपालका अग्रज फोटो पत्रकार, राष्ट्रिय फोटो पत्रकार समूह नेपाल (एनएफपीजे)का अध्यक्ष प्रदीपराज वन्तले बंगलादेशमा पुगेर फोटो पत्रकारिताका विविध आयाम र चुनौतीका बारेमा बताएका छन्।

बंगलादेशस्थित जहाँगिरनगर विश्वविद्यालयको ​​पत्रकारिता तथा सञ्चार अध्ययन विभागद्वारा ढाकामा आयोजित फोटो पत्रकारिताका सम्बन्धमा विशेष अन्तक्रिया कार्यक्रममा उनले विश्व र नेपालको फोटो पत्रकारिताको अवस्था, कोभिड १९ तथा यस्ता महामारीका विषयमा पत्रकारले भोग्नुपरेका चुनौती र फोटो पत्रकारको भूमिकाका विषयमा सहभागीलाई जानकारी गराए।