सामाजिक सञ्जालले सम्बन्धलाई बिगारिरहेको त छैन ?

काठमाडौं । सामाजिक सञ्जालको यो जमानमा स्वस्थकर सम्बन्ध कायम गर्न निकै कठिन छ । केही गल्ती र त्रुटीले सम्बन्ध नै बिग्रन सक्छ । विशेषगरी बिहे जस्ता सम्बन्धहरु । आज हामी तपाईको सम्बन्धलाई कमजोर पार्न सक्ने सामाजिक सञ्जालसँग सम्बन्धित यस्तै केही त्रुटीहरुबारे कुरा गर्न गइरहेछौं । तपाईले पनि यस्तै गल्ती त गरिरहनु भएको छैन ?

ओभर शेयरिङः सामाजिक सञ्जालहरुमा पार्टनरको अनुमति बिनै सम्बन्ध अनि पर्सनल लाइफसम्बन्धी चिजहरु लगातार शेयर गरिरहनु भएको छ कि ? तपाईलाई सामाजिक सञ्जालमा निजी जीवनबारे शेयर गर्न मन पर्ला । तर तपाईको पार्टनरलाई यो सब मन नपर्न पनि सक्छ ।