नेपालमा पुस्तकालयको नालीबेली

शिक्षित बालबालिकाहरूबाटै परिवर्तन सम्भव छ भन्ने मान्यता साथ सन् २००० मा स्थापित ‘रुम टु रिड’ को कथा रोचक छ । विश्व विख्यात माइक्रोसफ्ट कम्पनी चीनका व्यापार प्रमुख जोन ऊड सन् १९९८ मा नेपाल घुम्न आएका थिए । नेपाल घुम्ने क्रमा उनी लमजुको बाहुनडाँडा पुगे ।

त्यहाँ उनलाई नजिकैको विद्यालयमा पशुपति शर्माले लिएर गए । ४५० जना विद्यार्थीहरू अध्ययन गरिरहेको विद्यालयको पुस्तकालयमा पस्दा जोन ऊड झस्के । एउटा थोत्रो बाकसभित्र शिक्षकहरूलाई समेत काम नलाग्ने केही थान पुस्तकहरू थिए त्यहाँ । त्यस्तो दयनीय अवस्था देखेपछि जीवनको बाटो नै मोडिएको भन्छन् जोन ऊड ।