भक्तपुर–२ मा ‘जनतासँग जन्मदेव’ अभियान सुरु, घरदैलोमार्फत मतदातासँग प्रत्यक्ष संवाद

भक्तपुर । प्रगतिशील लोकतान्त्रिक पार्टीका तर्फबाट भक्तपुर क्षेत्र नं। २ का प्रतिनिधिसभा सदस्य उम्मेदवार जन्मदेव जैसीले ‘जनतासँग जन्मदेव’ अभियान सुरु गरेका छन् । निर्वाचन परिचालन कमिटीमार्फत सञ्चालन गरिएको उक्त अभियान आइतबार सानोठिमीबाट औपचारिक रूपमा प्रारम्भ गरिएको हो ।

अभियानअन्तर्गत जैसीले घरदैलो, भेटघाट तथा प्रत्यक्ष संवादमार्फत मतदातासँग नजिकिने कार्यक्रम अघि बढाएका छन् । मतदातासँग प्रत्यक्ष संवाद स्थापना गर्दै उनीहरूका समस्या, अपेक्षा र सुझाव बुझ्ने अभियानको मुख्य उद्देश्य रहेको जनाइएको छ ।