आरएस रिसोर्ट पोखराविरुद्ध एपिएफको १९ गोल

उदयपुर । राष्ट्रिय महिला फुटबल प्रतियोगिताअन्तर्गत आइतबार भएको खेलमा सशस्त्र प्रहरी महिला (एपिएफ) को टोलीले आरएस रिसोर्ट पोखराविरुद्ध १९–० गोल गरेको छ ।

जिल्लाको गाइघाटस्थित थरुहट रङ्गशालामा आइतबार चौथो दिनको खेलमा एपिएफकी रस्मीकुमारी घिसिङले ११ गोल गरेको आयोजक नेपाल फुटबल सङ्घ (एन्फा) ले जनाएको छ । यस्तै, अनिता केसीले तीन, सरु लिम्बु, गीता राना, निशा ठोकर, मनमाया दमाई र हिमा राउतले एक/एक गोल गरिन् ।