नङमाथि मासु नाई, चुडी पर गाउँ नाई
rajdhanidaily.com · Fri Apr 01 23:18:01 GMT 2022
डडेल्धुरा । अमरगढी नगरपालिका, बिहानदेखि बेलुकीसम्म पारीतर्फ भारतका सडक र घरहरू देखिन्छन् । साँझ परेपछि झिलिमिली बिजुली बत्ती । तर, गाउँमा उज्यालो छैन । सडक पनि छैन । कक्षा पाँचसम्म पढाइ हुने प्राथमिक विद्यालय छ । स्वास्थ्य संस्था पनि छैन । नेपालका कुनै गाउँहरू पनि देखिँदैनन् । त्यसैले त एउटा आन नै बनेको छ । नङमाथि मासु नाई, चुडी पर गाउँ नाई । अर्थात् उखान बनेको छ । नङमाथि मासु छैन, चुडी पर गाउँ छैन ।
भागेश्वर गाउँपालिका–१ मा पर्ने चुडी गाउँ सीमा नदी महाकालीभन्दा केहीमाथि छ । गाउँबाट महाकाली नदी पुग्न ओरालो करिब १ घण्टा पैदल हिँड्नुपर्छ । महाकाली पारी डाँडामा भारतका तामेली बजारलगायत अन्य गाउँ बजार छन् । त्यहाँ कालोपत्रे सडक, बिजुली बत्तीलगायत मानिसलाई आवश्यक पर्ने सबै सेवा सुविधा छन् । तर, चुडी गाउँमा भने सडक बत्ती केही पनि छैन । करिब २८ घरधुरी रहेको गाउँबाट टाढाटाढासम्म कुनै गाउँबस्ती नै छैनन् ।
स्रोतमा पूरा पढ्नुहोस् (rajdhanidaily.com)