झापा गोल्डकपः उपाधिमाथि मच्छिन्द्र र एपिएफको दाबी

झापा । झापाको बिर्तामोडमा जारी सातौँ एक्सट्रिम झापा गोल्डकपको उपाधिमाथि मच्छिन्द्र फुटबल क्लब र सशस्त्र प्रहरीको एपीएफ क्लबले आआफ्नो दाबी प्रस्तुत गरेका छन् ।

यहाँस्थित डोमालाल राजवंशी रङ्गशालामा आइतबार आयोजित ‘प्रि म्याच कन्फ्रेन्स’मा फाइनलका दुई प्रतिस्पर्धी टोली मच्छिन्द्र र एपिएफले उपाधिमाथि दाबी प्रस्तुत गरेका हुन् । एपिएफका प्रशिक्षक राजेन्द्र तामाङले राष्ट्रिय लिगमा समेत उच्च प्रदर्शन गरेका र नियमित क्याम्पमा रहेका पहिलो श्रेणीका खेलाडीले फाइलन खेलमा उत्कृष्ट प्रदर्शन गर्ने बताए । झापा गोल्डकपलाई नै केन्द्रित गरेर केही समय अघिदेखि तयारी गरिएको उनले बताए ।