साउदी र मलेसियाका लागि प्रस्तावित राजदूतको नाम अस्वीकृत

काठमाडौं । साउदी अरबका र मलेसियाका लागि प्रस्तावित राजदूतको नाम संसदीय समितिले अस्वीकृत गरेको छ । साउदीका लागि गिरिबहादुर सुनार र मलेसियाका लागि चुडामणि खरेलको नाम संघीय संसदको संयुक्त समिति संसदीय सुनुवाइ समितिले अस्वीकृत गरेको हो ।

सांसदहरुले साउदी अरबका लागि प्रस्तावित राजदूत सुनारमाथि महिला हिंसासहितका गम्भीर आरोप लागेको भन्दै सुनुवाइको क्रममा नाम फिर्ता लिन आग्रह गरेका थिए । संसदीय सुनुवाइ समितिबाट साउदी अरेबियाका लागि प्रस्तावित राजदूत गिरीबहादुर सुनारमाथि विभिन्न गम्भीर आरोपहरू उठाइएको थियो ।