भूकम्प प्रभावित जाजरकोट र रुकुमपश्चिममा छैन तिहारको रौनक

काठमाण्डाै - देशका धेरैजसो ठाउँमा तिहारको रमझम छ । देउसीभैलोले वातावरण रमाइलो बनाइरहेको छ । तर भूकम्प प्रभावित जाजरकोट र रुकुमपश्चिमा भने न देउसीभैलोको रौनक छ न तिहारको रमझम ।

चिसो सिरेठोमा खुला आकाशमुनि पालको भरमा बसिरहेका भूकम्प पीडितले कष्टकर दैनिकी बिताइरहेका छन् । भूकम्पले मानवीय तथा भौतिक क्षति सहनुपरेका दुवै जिल्लाका नागरिक दीपावली मनाउने अवस्थामा छैनन् । जाडोको समयमा खुला आकाशमुनिको बासले उनीहरूलाई रात कटाउन निकै धौ–धौ छ ।