'राज्यका सबै संयन्त्रको मनोबल कमजोर बनाएर सरकारले हासिल गर्न खोजिरहेको उपलब्धि के होला ?'

राप्रपा प्रवक्ता एवं प्रचार विभाग प्रमुख मोहनकुमार श्रेष्ठले पत्रकार किशोर श्रेष्ठ पक्राउ प्रकरणप्रति गम्भीर ध्यानाकर्षण भएको बताएका छन्।

लेखेकै आधारमा पत्रकार श्रेष्ठ पक्राउ पर्नु स्वतन्त्र प्रेसप्रति सरकारको कमजोर प्रतिबद्धता प्रतिविम्बित भएको जिकिर गर्दै उनले यस्तो बताएका हुन्। उनले समाचारको विषयमा उजुरी र छानबीन गर्न प्रेस काउन्सिल जस्ता निकायहरू रहेको अवस्थामा सिधै प्रहरी प्रशासनको प्रवेश गराएर सरकारले राजनीति गर्न खोज्नु उपयुक्त नभएको बताए।