नक्कली शरणार्थी बन्न उत्सुक युवाहरु र सरकार

भनिन्छ, मानवजीवनमा अपनाइने कुनै पनि प्रथा, वस्तु तथा प्रक्रिया र कार्यान्वयनको दुईवटा पाटा हुन्छन् । त्यसको सदुपयोग र दुरुपयोग । सदुपयोगले शुरुदेखि कालान्तरसम्म मानवजीवनलाई खुशी तथा स्वच्छ राख्न भूमिका खेल्छ तर दुरुपयोगले क्षणिक सुखको अनुभूति दिलाए तापनि कालान्तरसम्म सुखको अनुभूति दिलाउन सक्दैन । प्रसंग हो देशमा बढ्दै गएको बेरोजगारीका कारण देशबाट विभिन्न कानुनी वा गैरकानुनी हथकण्डाहरु अपनाएरै भए पनि, जतिसुकै समस्या र पीडा व्यहोर्नुपरे पनि, आफ्ना बाबुबाजेले कमाएको सम्पतत्ति सकेरै भए पनि विदेश छिर्ने युवाहरुको मोह ।

यो संवेदनशील विषयलाई आफ्नो पक्षमा पार्न र आफ्नो मान, प्रतिष्ठा, देश र देशका नागरिक सबैलाई दाउमा राखेर धन कमाउन वैध÷अवैधरुपमा मानव तस्करहरुले आफ्नो जालो पैmलाउँदै गइरहेको कुरालाई जानी÷नजानी फस्न पुग्नु ठूलो भूल हो । विशेष गरी मानव तस्करहरुले सकेसम्म आफ्ना यस्ता कार्यहरुलाई वैधता दिलाएर अगाडि बढाउने प्रयास गरिरहेका हुन्छन्, जसले गर्दा कुनै पनि बेला समस्या देखिनासाथ वैधताको कार्डले विदेश पलायन हुन चाहने युवाहरु र तिनीहरुका परिवारका सदस्यहरुलाई जिम्मेवारी पन्छाउने कार्य गर्दै आएका छन् । समयमै यिनीहरुको पर्दाफास गरिदिएको भए सबै दलका नेताहरु जो–जो यस कार्यमा संलग्न छन् उनीहरुले पटक–पटक राज्य दोहन गर्न पाउँदैनथे ।