‘रामकृष्ण बजेट चलाउने होइनन्, टाइप गर्ने व्यक्ति’

पूर्वअर्थमन्त्री जनार्दन शर्माले पूर्वनासु रघुनाथ घिमिरे र एक चार्टर्ड एकाउन्टेन्टको प्रयोग गरेर बजेटको दर चलाउँदा पनि कम्प्युटरमा श्रेष्ठले नै उनीहरूले भनेबमोजिम गरेका थिए।

काठमाडौं : बजेट निर्माणमा पूर्वनायब सुब्बा रामकृष्ण श्रेष्ठको संलग्नतालाई लिएर राजनीति तातिएको छ। संसद्को मंगलबारको बैठकको पूर्वाद्र्ध यसैले गर्मायो। विपक्षी सांसदले अर्थमन्त्री डा. प्रकाशशरण महतलाई तारन्तार यही प्रश्न सोधिरहे। संसदीय छानबिन समिति गठनको मागसमेत गरे।