सिरहाको गोलबजारमा वडाध्यक्षसहित चार जनामाथि कुटपिट

सिरहा । सिरहाको गोलबजार नगरपालिका वडा नं. ११ बलकवाका वडाध्यक्षसहित चार जनामाथि बुधबार राती कुटपिट भएको छ । बलकवा बजारसँगै जोडिएको मैनाबत्ती खोला किनारमा पर्ने गाउँ पुगेका वडाध्यक्ष सोहेव अनवरसहितका युवाहरूमाथि राती करिब ९ बजेतिर आक्रमण भएको हो ।

कुटपिटबाट वडाध्यक्ष अनवर, २४ वर्षीय अमर खान, २५ वर्षीय नसिरुल र २४ वर्षीय सरोज यादव घाइते भएका छन् । घाइते चारै जनाको टाउको र शरीरका विभिन्न भागमा चोट लागेको छ । उनीहरूको हाल गोलबजारस्थित बर्दमान अस्पतालमा उपचार भइरहेको अस्पताल प्रशासनले जनाएको छ ।