निजी मेडिकल कलेजविरुद्ध आज इन्टर्न र आवासीय चिकित्सकको ‘पेनडाउन’

काठमाडौं- निजी मेडिकल कलेजहरूले आवासीय तथा इन्टर्न चिकित्सकको नियमित पारिश्रमिक रोकेर मेडिकल कलेजको सिट तथा शुल्क वृद्धि गर्न सरकारमाथि दबाब सिर्जना गरेको आरोप लगाउँदै चिकित्सा शिक्षा संघर्ष अभियानले देशव्यापी आन्दोलन घोषणा गरेको छ।

अभियानले आज दिउँसो १ बजेदेखि देशभरका पीजी (स्नातकोत्तर) तथा इन्टर्न चिकित्सकलाई ‘पेनडाउन’ आन्दोलनमा सहभागी हुन आह्वान गरेको छ। अभियानले निजी मेडिकल कलेजहरूको पारिश्रमिक रोक्ने निर्णयप्रति गम्भीर आपत्ति जनाउँदै चरणबद्ध आन्दोलनका कार्यक्रम सार्वजनिक गरेको हो।