ओलिसेको ह्याट्रिकमा फ्रान्स विजयी

एजेन्सी । विंगर मिचेल ओलिसेको ह्याट्रिकको मद्दतमा फ्रान्सले अन्तराष्ट्रिय मैत्रीपूर्ण खेलमा सहज जित निकालेको छ । सोमबार राति भएको खेलमा नर्थन आयरल्याण्डलाई ३-१ गोलले पराजित गर्दै फ्रान्सले विश्वकपको तयारी सकेको हो ।

घरेलु मैदानमा भएको खेलमा फ्रान्सलाई जित दिलाउन ओलिसेले ह्याट्रिक पूरा गर्दा आयरल्याण्डको लागि प्याट्रिक केलीले एक गोल फर्काए । खलेको ४३ औँ मिनेटमा ओलिसेले गोल गर्दै फ्रान्सलाई शुरुवाती अग्रता दिलाएका थिए । ४९ औँ मिनेटमा ओलिसेले व्यक्तिगत दोस्रो गोल गर्दै फ्रान्सको अग्रता दोब्बर बनाए ।