झ्याप्ले खोलामा पहिरो हटाइपछि ४८ घण्टापछि सडक दुईतर्फी खुल्याे

राजधानी काठमाडौंसँग जोडिएका नाका ४८ घन्टासम्म अवरुद्ध रहे। भीषण वर्षासँगै पहिरो खस्दा शुक्रबार र शनिबारबाट राजधानीसँगका सबै राजमार्ग अवरुद्ध बनेका थिए।

४८ घन्टापछि राजधानीसँगको मुख्य नाका नागढुंगा–मुग्लिन र त्रिभुवन राजपथ–चित्लाङ–चन्द्रागिरी हुँदै काठमाडौं जाने सडक खण्ड एकतर्फी सञ्चालनमा आएको छ। आइतबार साँझ ६ बजे पहिरो पन्छाएर एकतर्फी यातायात सञ्चालनमा ल्याइएको नागढुंगा–मुग्लिन सडक योजना कार्यालयका प्रमुख केशवप्रसाद ओझाले बताए। राजमार्ग एकतर्फी सञ्चालनमा आए पनि सडकमा रोकिएकाबाहेक अन्य सवारीसाधन राति सञ्चालनमा रोक लगाएको छ।