बेरुतमा गार्ड्सका जनरलको हत्या गरेकामा इजरायललाई जवाफ दिने इरानको प्रतिज्ञा

इरानका विदेशमन्त्री अब्बास अराघचीले आइतबार बेरुतमा इजरायली आक्रमणमा हिजबुल्लाह प्रमुख हसन नसरल्लाहसँगै मारिएका एक वरिष्ठ इरानी जनरलको मृत्यु ‘अनुत्तरित नरहने’ बताउनुभएको छ ।

अराघचीको उक्त टिप्पणी लेबनानको राजधानी बेरुतमा इरान समर्थित हिजबुल्लाहको गढमा शुक्रबार भएको आक्रमणको दुई दिनपछि आएको हो । आक्रमणमा इस्लामिक रिभोल्युसनरी गार्ड्सका विदेशी अपरेसन शाखा कुद्स फोर्सका शीर्ष कमान्डर जनरल अब्बास निलफोरौशान मारिएका थिए ।