अमेरिकी नौसेनाले भारतीय बन्दरगाह प्रयोग गरिरहेको दाबी झूटो र भ्रामक: भारत

काठमाडौँ । भारतीय विदेश मन्त्रालयले इरानविरुद्धको युद्धमा अमेरिकी नौसेनालाई आफ्ना बन्दरगाहहरू प्रयोग गर्न अनुमति दिएको भन्ने दाबीलाई पूर्ण रूपमा अस्वीकार गरेको छ ।

अमेरिकी रक्षा सचिवका पूर्व सल्लाहकार डगलस म्याकग्रेगरले एक सञ्चारमाध्यममा अमेरिकी नौसेनाका जहाजहरूले द्वन्द्वका बिच भारतीय बन्दरगाह प्रयोग गरिरहेको हुन सक्ने दाबी गरेका थिए । उक्त दाबीको खण्डन गर्दै भारतीय परराष्ट्र मन्त्रालयले यसलाई झूटो र भ्रामक भनेको हो ।