एनआरएनए अमेरिकाजको १०औँ क्षेत्रीय सम्मेलन टोरन्टोमा हुने

काठमाडौँ : गैरआवासीय नेपाली संघ (एनआरएनए) अमेरिकाज क्षेत्रको १०औँ क्षेत्रीय सम्मेलन सन् २०२७ अप्रिल २४ र २५ मा क्यानडाको टोरन्टोस्थित होटल रेडिसनमा आयोजना हुने भएको छ । ‘समृद्धि : Connecting for Prosperity’ नाराका साथ हुन लागेको सम्मेलनमा सहभागी हुन क्षेत्रीय संयोजक (आरसी) भुवन खरेलले विश्वभरका गैरआवासीय नेपाली अभियन्तालाई निमन्त्रणा गरेका छन् ।

विदेशमा रहेका नेपालीको पुँजी, ज्ञान, सीप र प्रविधिलाई नेपालको विकाससँग जोड्ने उद्देश्यले आयोजना हुन लागेको सम्मेलनमा नेपालका परराष्ट्रमन्त्री शिशिर खनाललाई आमन्त्रण गरिएको छ । सम्मेलनमा सरकार र गैरआवासीय नेपाली समुदायबीच प्रत्यक्ष संवाद स्थापित गर्दै करिब १० करोड अमेरिकी डलर बराबरको लगानी सम्भावना, सामूहिक लगानीका परियोजना तथा लगानीमैत्री नीतिबारे छलफल गर्ने तयारी छ ।