बुकायो साकाको निर्णायक गोलः ब्राइटनलाई हराउँदै आर्सनल प्रिमियर लिगको शीर्ष स्थानमै कायमै

काठमाडौँ । प्रिमियर लिग अन्तर्गत बिहीबार भएको खेलमा ब्राइटनलाई पराजित गर्दै आर्सनल तालिकाको शीर्ष स्थानमा यथावत रहेको छ । ब्राइटनको घरेलु मैदानमा भएको खेलमा आर्सनलले १–० गोलको कठिन जित दर्ता गरेको हो ।

आर्सनलको जितमा बुकायो साका नायक बने । उनले खेलको ९ औँ मिनेटमा गरेको गोल नै निर्णायक सावित भयो । सुरुवाती अग्रता लिएको आर्सनलले खेलभर ब्राइटनलाई दबाबमा राखे पनि थप गोल भने गर्न सकेन ।