पेड्रोको ह्याट्रिकमा चेल्सीको सानदार जितः एस्टन भिल्ला ४–१ ले पराजित

काठमाडौँ । इङ्लिस प्रिमियर लिग अन्तर्गत बिहीबार भएको खेलमा चेल्सीले एस्टन भिल्लामाथि ४–१ को फराकिलो जित दर्ता गरेको छ । एस्टन भिल्लाको घरेलु मैदानमा भएको खेलमा चेल्सीले उत्कृष्ट पुनरागमन गर्दै रोमाञ्चक जित हासिल गरेको हो ।

खेलमा सुरुवाती अग्रता भने एस्टन भिल्लाले लिएको थियो । खेलको दोस्रो मिनेटमै डगलस लुइजले गोल गर्दै भिल्लालाई १–० को अग्रता दिलाएका थिए । तर, त्यसपछि चेल्सीले खेलमा पूर्ण पकड जमाउँदै लगातार चार गोल गर्‍यो । चेल्सीको जितमा जोआओ पेड्रो नायक बने । उनले खेलको ३५ औँ, पहिलो हाफको थप गरिएको समय र ६४ औँ मिनेटमा गोल गर्दै सानदार ह्याट्रिक पूरा गरे । यस्तै, चेल्सीका लागि कोल पाल्मरले खेलको ५५ औँ मिनेटमा एक गोल थपेका थिए ।