सुदूरपश्चिममा देउवाको साथ छोड्ने दुई थापा समूहबाट मन्त्री, विशेष महाधिवेशन समर्थकलाई पुछारको राज्यमन्त्री

काठमाडौँ । सुदूरपश्चिम प्रदेश सरकारमा कांग्रेसले चार मन्त्री र एक राज्यमन्त्री नियुक्त गरेको छ । जेठ ८ गते सुदूरपश्चिम प्रदेशका मुख्यमन्त्रीसमेत रहेका संसदीय दलका नेता कमल बहादुर शाहलाई अल्पमतमा पार्ने गरी सुरु भएको हस्ताक्षर अभियान अन्ततः भागबण्डामा टुंगिएको छ ।

असन्तुष्ट पक्षमा रहेका ९ मध्ये डम्मरा महराले समर्थन फिर्ता लिएपछि बाँकी रहेका ८ जनामध्ये दुई जनाले मन्त्री र एक जनाले राज्यमन्त्री पाएका छन् ।