प्रिमियर लिगः म्यानचेस्टर सिटी नटिङ्घम फरेस्टसँग रोकियो, वेस्ट ह्यामको कठिन जित

काठमाडौँ । इङ्लसि प्रिमियर लिग अन्तर्गत नेपाली समयअनुसार बिहीबार बिहान भएका खेलहरूमा म्यानचेस्टर सिटी नटिङ्घम फरेस्टसँग बराबरीमा रोकिएको छ भने वेस्ट ह्याम युनाइटेडले फुलहममाथि कठिन जित हात पारेको छ ।

म्यानचेस्टर सिटीको घरेलु मैदानमा भएको प्रतिस्पर्धात्मक खेल २–२ गोलको बराबरीमा सकिएको हो । सिटीका लागि एन्टोन सेमेन्योले खेलको ३१ औँ मिनेटमा गोल गर्दै टोलीलाई सुरुवाती अग्रता दिलाएका थिए । तर, दोस्रो हाफमा फरेस्टले उत्कृष्ट पुनरागमन गर्‍यो । खेलको ५६ औँ मिनेटमा मोर्गन गिब्स–वाइटले गोल गर्दै फरेस्टलाई १–१ को बराबरीमा ल्याए ।