‘जनतालाई आधा सिलिन्डर ग्यास दिन नसक्नेले कुन नैतिकताले ३५ वर्षको हिसाब मागेको ?’

काठमाडौं । राष्ट्रियसभामा नेपाली कम्युनिस्ट पार्टी (नेकपा)की सांसद रेणु चन्दले वर्तमान सरकारको कार्यशैली र कार्यक्षमतामाथि प्रश्न उठाएकी छन् । सरकार गठन भएको चार महिना बितिसक्दा पनि जनअपेक्षाअनुसार काम हुन नसकेको भन्दै उनले सरकारको आलोचना गरेकी हुन् ।

बिहीबार राष्ट्रियसभा बैठकमा सांसद चन्दले सरकारले जनतालाई पूरा गर्न नसकिने आश्वासन दिएको आरोप लगाइन् । स्वास्थ्य बिमाको पछिल्लो अवस्था र केदारनाथ पराजुली दम्पतीको आत्मदह (जलसमाधि)जस्ता गम्भीर विषयमा उनले सरकारको ध्यानाकर्षण गराइन् ।