म्यानचेस्टर युनाइटेडमाथि न्युकासलको जित: अन्तिम समयको गोलले युनाइटेड स्तब्ध

काठमाडौँ । इङ्लिस प्रिमियर लिग अन्तर्गत बिहीबार बिहान भएको प्रतिस्पर्धात्मक खेलमा न्युकासल युनाइटेडले म्यानचेस्टर युनाइटेडलाई २–१ गोल अन्तरले पराजित गरेको छ । खेलको अन्तिम समयमा गोल गर्दै न्युकासलले युनाइटेडलाई स्तब्ध पारेको हो ।

पहिलो हाफको इन्जुरी समय निकै नाटकीय रह्यो । पहिलो हाफमा थप गरिएको अतिरिक्त समायमा ज्याकोब राम्सेले रातो कार्ड पाएपछि न्युकासल १० खेलाडीमा सीमित भएको थियो । यद्यपि, १० खेलाडीमा झरेको केही मिनेटमै एन्थोनी गोर्डनले पेनाल्टीमार्फत गोल गर्दै न्युकासललाई १–० को अग्रता दिलाए । तर, न्युकासलको त्यो अग्रता धेरै समय टिक्न सकेन । युनाइटेडका लागि क्यासेमिरोले गोल गर्दै पहिलो हाफमै खेललाई १–१ को बराबरीमा ल्याए ।