नियन्त्रणमा आएको केही घण्टामै फेरि हट्यो : रवि लामिछाने

राष्ट्रिय स्वतन्त्र पार्टी (रास्वपा) का सभापति रवि लामिछानेको आधिकारिक फेसबुक अकाउन्टमा पुनः समस्या देखिएको छ । बुधबार दिउँसो मात्रै आफ्नो अकाउन्ट ह्याकरको कब्जाबाट फिर्ता आएको जानकारी दिएका लामिछानेको आइडी केही घण्टामै फेरि हटेको हो ।

यसअघि मंगलबार लामिछानेको फेसबुक अकाउन्टमा बाह्य व्यक्तिहरूले अनधिकृत पहुँच (ह्याकिङ) को प्रयास गरेपछि सुरक्षा संवेदनशीलताका कारण मेटाले अकाउन्ट लक गरिदिएको थियो । सो समस्या समाधान भएको दाबी गर्दै लामिछानेले बुधबार दिउँसो सामाजिक सञ्जालमा पोस्ट गर्दै लेखेका थिए, ‘पटकपटक ह्याक गर्ने प्रयास भएतापनि अन्ततः मेरो फेसबुक पुनः आफ्नै नियन्त्रणमा ल्याउन सफल भएको छु ।’