‘नो केबलकार’ पक्षले खबरदारी सभा गर्ने, आतंक फैलाए प्रतिकारमा उत्रने केबलकार पक्षधरको चेतावनी

पाथीभरा क्षेत्रमा केबलकार पक्षधर र ‘नो केबलकार पक्षधर’ बिचको कार्यक्रमले यति बेला ताप्लेजुङमा फेरि केबलकारको विषय उत्कर्षमा ल्याएको छ।

शनिबार केबलकार बनाएर विकास र समृद्धिको अध्याय सुरु गर्नुपर्ने माग अघि सार्ने पक्षले केबलकार आर्थिक समृद्धिको सूचक भएको भन्दै निर्माणाधीन उक्त आयोजना तत्काल सम्पन्न गरी निजी लगानीको सुरक्षणका लागि सरकारको ध्यानाकर्षण गरेका छन्।