विश्वमा आणविक हतियारको खतरा बढ्दै, अमेरिका, चीन र रुस ठूला आणविक शक्ति राष्ट्र

काठमाडौं । विश्वमा आणविक हतियारको खतरा पुनः बढ्दै गएको छ । स्टकहोम इन्टरनेसनल पिस रिसर्च इन्स्टिच्युट (सिपरी)को नयाँ प्रतिवेदनले आणविक हतियारको नयाँ होडबाजी बढ्दै गएको देखाएको छ ।

प्रतिवेदनमा आणविक शक्ति सम्पन्न देशहरूले अब आफ्ना हतियारहरूलाई केवल भण्डारणमा सीमित राख्नुको सट्टा मिसाइल तथा अन्य डेलिभरी प्रणाली (प्रहार गर्ने माध्यम) मा तैनाथ गरिरहेको उल्लेख छ ।