साढे चार सय परिवारको दसैं होल्डिङ सेन्टरमै

सुकुम्बासी र बाढीपीडित गरी करिब साढे चार सय परिवारले यस पटकको दसैं होल्डिङ सेन्टरमै मनाउने भएका छन्। होल्डिङ सेन्टरमा दसैं मनाउने भोटेकोसी बाढीपीडित परिवार ३ सय ५० छन्।

त्यस्तै गत वैशाखदेखि एक सय नौ सुकुम्बासी परिवारहरू होल्डिङ सेन्टरमा छन्। उनीहरूको होल्डिङ सेन्टरको बसाइ कहिलेसम्म लम्बिन्छ भन्ने टुंगो छैन। सरकारले भोटेकोसी बाढीपीडितका लागि भने तत्काल अस्थायी आवास बनाउने घोषणा गरेको छ। यसका लागि जग्गा पहिचानसमेत भइसकेको छ।